6 4. சூரிய செல் பெயிண்டுகள்

இன்று புதிய சூரிய மின் உற்பத்தி ஐடியாக்கள் சற்று நம்பிக்கை அளிக்கின்றன. சூரிய செல்கள், சிலிக்கான் சில்லுகள் கொண்டு எலெக்ட்ரானிக் சிப்கள் போல உருவாக்கப் படுகின்றன. இதில் உள்ள பிரச்னை என்னவென்றால், சூரிய செல்களை உருவாக்குவதற்கான சக்தி, அதைக் கொண்டு உற்பத்தி செய்யக்கூடிய சக்தியை விட குறைவு என்ற ஒரு குற்றச்சாட்டு உள்ளது.

கனேடிய விஞ்ஞானிகள் நானோ தொழில்நுட்பம் கொண்டு, புதிய நுந்துகள்களை உருவாக்கியுள்ளார்கள். Zinc phosphide துகள்கள், வழக்கமான சிலிக்கான் சூரிய செல்களை விட குறைந்த சக்தியில் உருவாக்க முடியும். அத்துடன், இவற்றை, வழக்கமான பெயிண்ட் பாய்ச்சியைக் கொண்டு எந்த ஒரு தகட்டின் மீதும் பூச முடியும்.

http://www.cbc.ca/news/technology/cheap-spray-on-solar-cells-developed-by-canadian-researchers-1.1913086

உதாரணத்திற்கு, உங்களது காரின் கூரையில் இவ்வாறு பூசி விட்டால், உங்கள் காரில் உள்ள மின்விசிறி, மற்றும் ரேடியோவிற்கு, உங்கள் காரின் மின்கலம் தேவையில்லை. இன்று, இத்தகைய பெயிண்டுகளின் செயல்திறன் குறைவுதான். ஆனால், இது இன்னும் முன்னேற வாய்ப்புள்ளது. பென்ஸ் கார் நிறுவனம், இத்தகைய சூரிய பெயிண்டை தன்னுடைய காரின் கூரையில் பூசவிருப்பதாக அறிவித்துள்ளது.

http://www.extremetech.com/extreme/191336-mercedes-hydrogen-electric-hybrid-harvests-solar-wind-energy-with-its-paint-job

மின்சக்தியில் இயங்கும் கார்கள், இன்று, அதிக தூரம் மின்னூட்டம் இன்றி பயனிப்பதில், அதிக முனேற்றம் அடையவில்லை. இத்தகைய சூரிய பெயிண்டுகளை காரின் வெளிப்பக்கம் பூராவும் பூசிவிட்டால், இன்னும் சற்று தூரம் இன்றைவிட பயணிக்க முடியும் என்று தீவிர ஆராய்ச்சியில் ஈடுபட்டுள்ளனர்.

சொல்லப் போனால், இவ்வகை சூரிய பெயிண்டுகளின் செயல்திறன் இரட்டிப்பாகி, தொழில்நுட்ப சிக்கல்களைச் சமாளித்தால், உலகின் பெரிய சக்தி புரட்சியை உருவாக்கும் திறம் கொண்ட விஷயம் இது. ஒவ்வொரு நாட்டிலும், பல்லாயிரம் கி.மீ. தொலைவிற்கு நொடுஞ்சாலைகள் உள்ளன. இந்த நெடுஞ்சாலைகளில், இத்தகைய பெயிண்டுகளை பூசி விட்டால், சூரிய ஒளியை, பெரிய அளவில் சக்தியாக மாற்றும் முயற்சியில் வெற்றி பெற முடியும். பெரிய அளவில் இதை செய்ய முடிந்தால், இதன் விலையும் குறைந்து விடும். ஆனால், இன்னும் 10 முதல் 15 ஆண்டுகளில் இது சாத்தியமில்லை.